Bjørn Lødemel (H) reagerer på at verken olje- og energiministeren, helseministeren eller Statens strålevern kan ta ansvar og seie at linja gjennom Eikefjord er trygg.
– Formelt sett kan ho ha rett i at effektbelastninga kjem til å bli rundt 500 Mw. Men samstundes aukar straumproduksjonen i Sogn og Fjordane, så det er ingenting som utelukkar at effektbelastninga kjem til å auke i tida som kjem.
Han saknar at nokon i strålevernet eller at nokon på departementsnivå kan ta ansvaret og klare opp i uvissa som rår i Eikefjord.
– Eg synest ministrane og strålevernet her har gått glipp av sjansen til å få fram fakta og skape tryggleik for folk i Eikefjord, seier Lødemel til Firdaposten.