Leif Øren har på vegne av familien fått avslag på bygging av tre hytter ved Endestadvatnet, trass i at kommunen sa ja og det ikkje har komme inn protestar.
Sivilombudsmannen støtta også Øren, fordi ombudet meiner departementet gjorde seg skuldig i feil lovbruk under sakshandsaminga. Departementet har erkjent dette, men meinte at konklusjonen ville bli den same.
No får saka politisk etterspel på Stortinget. Stortingsrepresentant Bjørn Lødemel frå Høgre har arbeidd for å få saka teken opp igjen. Han meiner det er ei overkøyring av båte grunneigar og det lokale sjølvstyret. Lødemel får her støtte av Sivilombudsmannen.
Lødemel vil ta saka opp med miljøvernminister Bård Vegard Solhjell. Han vil stille kritiske spørsmål til departementet sin handlemåte, og krevje svar frå miljøvernministeren.
Les meir i Firda torsdag