KUNSTUTSTILLING MED JYTTE KRISTIN EIKENES

Årets hovudutstillar Jytte Kristin Eikenes er født i 1968 og bur i Høyanger. I fleire år var Jytte leiar i Høyanger kunstlag, og gjennom vervet traff ho fleire inspirerande kunstnarar. Jytte har deltat på fleire utstillingar i inn - og utland sidan 2004. Ho har hatt soloutstillingar i både København og Stockholm i tillegg til fleire ulike stader i Norge. Ho har blitt tatt ut i juryerte utstillingar i Berlin, Fabriano og Helsinki. Det er skreve ein artikkel om Jytte i nettmagasinet Samtidskunst, som du kan finne her.

Ho utrykkar seg gjennom ulike medium som teikning med kull og pastell, trykk med linoleum og fotografi. Men akvarell og akryl/olje er favorittane. Stort sett er uttrykket fargerikt, og ho ynskjer å formidle stemning gjennom motiv og fargeval. Dette kan du lese og sjå meir av på Jyttes Gallery.

Og du kan få det med deg på kunstutstillinga Fredag 17:45-18:45 og Laurdag 11:00-17:00 på Naturfagsrommet, Eikefjord skule.